( நளின், முஸ்பிக், ஜூட் )
கடந்த இரு நாட்களாக பெய்து வரும் மழை காரணமாக புத்தளம் மாவட்டம் பதிப்புக்குள்ளாகியுள்ளது.  வெள்ளம் காரணமாக புத்தளம் மாவட்டத்தில் 1554 குடும்பங்களைச்சேர்ந்த 4661 பேர் இடம் பெயந்துள்ளனர். இவர்களுக்காக ஆறு  முகாம்கள் ஏற்படுத்தப்பட்டுள்ளதாக புத்தளம் மாவட்ட அனர்த்த முகாமைத்துவ அலகு தெரிவித்துள்ளது.  புத்தளம் கொழும்பு பிரதான வீதியில் பல இடங்களில் வெள்ள நீர் பாய்ந்து ஓடுவதனால் இந்த வீதியால் பயணிக்கும் வாகனங்களை பாதுக்காப்புடன் பயணிக்குமாறு பொலிசார் கேட்டுள்ளனர்.
புத்தளம் குருநாகல் வீதியில் ஆராச்சிவில்லு பகுதியில் இடம் பெற்ற வாகன விபத்தினால் மின் கம்பம் ஒன்று சேதத்துக்குள்ளாகியுள்ளது. இதன் காரணமாக புத்தளம் நகரில் மாலை வேளையில் மின் துண்டிக்கப்பட்டிருந்தது.
 அதேவேளை புத்தளம் கொழும்பு பிரதான வீதியில் தாராவில்லு பிரதேசத்தில் மரமொன்று முறிந்து விழுந்ததில் போக்குவரத்திற்கு பாதிப்பு ஏற்பட்டிருந்தது.